يسوع شافينا: إشعياء 61
- شنوّ الشفاء إلّي تحب تاخذو من عند ربّي لقلبك؟
- كان تنجم تطلب من عند يسوع على شفاء لحاجة وحدة اليوم، شنيّ تكون الحاجة هاذيكا؟
ما أعمق ما هو سطحي: (مراجعة عاطفيّة)
- شنو صار؟
- شنوّ خلّاك تحس هكًا؟ (البلاصة، الحاجة إلّي صارت، اليوم…؟)
- وين فمّا آضطراب؟
أكثر عمق:
- شنو نحسّ أنا توّا؟
- وقتاش آخر مرّة حسّيت هكّا؟
- وقتاش أوّل مرّة حسّيت هكّا؟
- باش، بشنوّا ولّا بشكون يفكّرني الإحساس هاذا؟
- قدّاش نحس عمري وقتلّي نحسّ الحاجة هاذي؟
- كان فمّا عرض ولّا أعراض جسدية ، وقتاش بدات و وقتاش تكثر؟
تحديد حدث الصّدمة:
السؤالات إلّي الفوق باش تتسبّب في أحاسيس قويّة و ذكريات صعيبة. هاذا إلّي نسمّيوه “حدث الصّدمة”.
إسأل و آسمع:
- بناءًا على حدث الصّدمة و الأحاسيس، إسأل ربّي، “شنوّ تحبني نعرف؟”
- شنوّ خلّاني هاذا نصدّق عليك و على روحي؟
- شنيّ الكذبة إلّي صدّقتها ولاّ العهد إلّي عملتو مع الكذبة؟
- كيفاش تتناقض الكذبة هاذي مع الحقّ؟
- شنيّ الهويّة الكاذبة إلّي أنا نعيش فيها؟
أمثلة متاع أكاذيب و عهود:
- أنا ما نستحقّش……………
- ربّي ما يهمّوش فيّ.
- أنا ديما باش نقعد خايف(ة)
- عمري ماني باش نعطي الثّقة و نكون صريح(ة) مرّة أخرى
- الرّجال/النّساء ما يتعَمّلش عليهم
الغفران:
- أنا نسامح ربّي (حتّى لوكان هوّ ما يستحقّش غفران)
- نسامح روحي على……………
- نسامح فلان/فلانة على……………
جمع نقاط الحقّ:
- شنوما نقاط الحقّ إلّي تنجّم تغلب الكذبات الكلّ؟
- إسأل ربّي على آيات، ترانيم، صور، رؤى ولاّ أفكار معيّنة يوضّحلك من خلالهم الحقّ
- فين كان يسوع في وقت حدث الصّدمة؟
طريق الـ10 مراحل: للحرّية و الشّفاء الدّاخلي
- آعترف وين صار الإنفصال في علاقتك مع ربّي، مع روحك و مع العباد الأخرين
- آتحمّل المسؤوليّة في إنفصال العلاقة بالإعتراف بالكذبة إلّي صدّقتها، العهد إلّي عملتو مع الكذبة و الهويّة الكاذبة إلّي تبنّيتها.
مهمّ برشا: لازم نعترفو بالتفصيل: كان فمّا أيّ كره للذّات، ولاّ رفض للذّات—هاذوكم هوما جذر الأعراض المدمنة (سوى إن كانت عاطفيّة ولاّ جسديّة) - توب على كلّ حاجة تعرف إلّي هيّ كذبة و ما تتناسقش مع الحقّ و توب على كيفاش الكذبة أثّرت فيك و في النّاس إلّي تحبهم.
- آتنازل على الأكاذيب و آبطلهم: آبطل الأكاذيب و العهود الكلّ في إسم يسوع المسيح، إسأل يسوع كيفاش تحاربهم
- نحّي الهويّة الكاذبة إلّي كنت تعيش فيها بسبب الأكاذيب و حدث الصّدمة.
- عوّض الكذبة بالهويّة الحقّ — إنّك مخلوق في صورة الرّب و إنّك متبنّي: صلّي و أعلن كلمة ربّي في البلاصة إلّي في داخلك إلّي كانت فيها الكذبة.
- آفرح: أشكر ربّي على كيفاش هوّ حرّرك مالكذبات و العهود و الهويّة الكاذبة.
- آسترجع: آسترجع فرح خلاصك و إسأل ربّي باش يعطيك نضج عاطفي و روحي من عندو و أطلب منّو باش يعوّضلك السّنين إلّي ضاعت منّك و إلّي كلاها الجراد (يوئيل 2: 25)
- آثبت في رفض الكذبة كي ابليس يقولهالك مرّة أخرى و شدّ صحيح بتعويضها بالحقّ
- آتفكّر: شارك كيفاش ربّي شفاك مع عباد أخرين و مجّد الرّب: أعلن جود الرّب في أرض الأحياء في وسط الجماعة. (مزمور 27:13, مزمور 22:22)