التّسبيح: إنّو نكونو قدّام ربّي و نحضرو قلوبنا بش نكونو في حضورو و في مجدو. هي طريقة نمجدو بيها إسم الرّب و نعلنو بها سيادتو في حياتنا. التسبيح خطوة إيمان مهمّة برشا. التسبيح فرصة بش نسلّمو لربّي الحاجات الّي مقلقتنا الكلّ. نغنّيو مش كان بش نسمّعو ربّي أصواتنا أما زادة بش نتذكرو إنّو هوّ أهم من كل شيء نتعدّاو بيه. في وقت التسبيح، نعطيو لربّي بإرادتنا كل السّلطان على أفكارنا و قلوبنا و نركزو كان فيه هو.
هَيَّا نُرَنِّمُ عَالِياً لِلرَّبِّ، وَنَهْتِفُ فَرَحاً لِصَخْرَةِ خَلاصِنَا. لِنَتَقَدَّمْ أَمَامَ حَضْرَتِهِ بِالشُّكْرِ، وَنَهْتِفْ لَهُ بِالتَّرْنِيمِ.
مزمور 95: 1-2
كيفاش نختارو الترانيم م نقودو وقت التسبيح؟
- في إطار الـ³⁄₃، الترانيم تجي مبعد الصلاة. تنجم تذكر مجموعتك إلّي هوّ توا وقت التسبيح. مالمستحسن تكون عملية اختيار الترانيم (الّي موضحة أكثر في النقاط 2 و 3 و 4) قبل ما يبدى الإجتماع باش الوقت هاذاكا ما يضيعش مالـ³⁄₃.
- كان عندك ترانيم تحبهم، استعمل أي تليفون بش تحل الترنيمة على موقع Youtube و شارك الـlien مع بقية المجموعة و استعمل Google باش تلقى الكلمات متاع الترنيمة و شارك الـlien مع المجموعة.
كان ما تستحضرش/ما تعرفش ترانيم، تنجم تختار من الترانيم التونسية الموجودة ع الموقع هذا.- مهمّ: كي تحل الـliens هاذوما، تنجّم تنزل على أي وحدة مالغنايات و تو يضهرولك الكلمات متاحّا.
- كي تختار الـ3 ترانيم إلّي تحبهم لمجموعتك، برتاجي الـlien متاع كل وحدة منهم مع المجموعة
تنجم زادا تلقا كلمات ترانيم مختلفة في الملف هذا إلّي تنجم تهبطو على تليفونك بلاش. - استعمل تليفونك باش تسمع الترانيم إلّي اخترتهم و استعمل الكلمات باش تعلنهم بإيمان و فهم مع مجموعتك.